Treni i pare ne bote me hidrogjen fillon udhetimet ne Gjermani

Treni i pare ne bote me hidrogjen ka nisur udhetimin mbi shina ne Gjermanine veriore. “Coradia iLint”, e prodhuar nga kompania franceze e hekurudhave Alstom, do te transportoje udhetaret ne nje linje prej 100 kilometrash ndermjet qyteteve te Cuxhaven, Bremerhaven, Bremervorde dhe Buxtehude ne shtetin e Saksonise se Ulet. Keta lloje trenash jane ndjeshem me te paster, per shkak se nuk leshojne dioksid karboni, por vetem avull dhe uje si rezultat i procesit te shnderrimit te oksigjenit dhe hidrogjenit ne elektricitet. Trenat me hidrogjen jane gjithashtu ndjeshem me pak te zhurmshem se modelet e tjera.Trenat e gjelber mund te udhetojne 1 mije kilometra me nje mbushje. Ndersa furnizimi eshte i shpejte dhe kerkon vetem 15 minuta. Alstom planifikon te fuse edhe 14 trena te tjere deri ne vitin 2021, krahas dy trenave qe jane funksional qe prej kesaj jave. Qelizat e hidrogjenit shihen si alternativa ekologjike me e mire per trenat.