Papa Françesku, ndihmon emigrantët me 500 mijë dollarë
Written by rt on 29/04/2019
Papa Françesku ka dhuruar 500 mijë dollarë amerikanë për t’i ardhur në ndihmë emigrantëve në Meksikë, duke ofruar ndihmë për projekte që sigurojnë ushqim, strehim dhe nevojat themelore për ta. Me mijëra emigrantë kanë mbërritur gjatë muajve të fundit në Meksikë, duke arritur aty në këmbë nga Hondurasi, El Salvadori dhe Guatemala për të realizuar ëndrrën amerikane. Megjithatë, aktualisht ata kanë mbetur të bllokuar në kufirin me Shtetet e Bashkuara të Amerikës. Në veçanti, ndihma synon të ndihmojë gati 75 emigrantë, të cilët kanë mbërritur ne Meksikë gjatë vitit 2018, në 6 karvanë të ndryshëm.