Si paraqitet situata në Evropë? Ja rregullat që duhen zbatuar përpara udhëtimit

Në shumë shtete të Evropës masat shtrënguese kanë ndryshuar për të disatën herë. Në Gjermani testi me rezultatin negativ ose dëshmia e vaksinimit të plotë, do u kërkohet të gjithë pasagjerëve mbi 12 vjeç, jo vetëm atyre që udhëtojnë përmes linjave ajrore, por edhe përmes rrugëve tokësore.  Nga ana tjetër Britania ka hequr izolimin e detyruar për këdo që vjen nga SHBA dhe vendet e Bashkimit Evropian. Për të kaluar kufirin duhet paraqitur testi negativ apo pasaporta e vaksinimit. 

Greqia, pas pothuajse një viti ka hapur kufijtë për udhëtarët nga SHBA-ja, si dhe lejon hyrjen pa kufizime për të gjithë personat që vijnë nga vendet e BE-së apo zona Shengen. Situata në Itali ka ndryshuar. Vendi fqinj lejon edhe udhëtimet për turizëm, me detyrim tamponin negativ dhe vetëkarantinimin 5-ditor./radiotravel.al