Shqipëria më e lira në rajon sa përdorimit të internetit në smartphone
Written by rt on 07/03/2019
Shqipëria më e lira në rajon sa përdorimit të internetit në smartphone Shqipëria është vendi i 68-të në botë, ndër 230 shtete të ndryshme të globit, sa i përket çmimit të një gigabyte internet të telefonisë lëvizëse. Vendi i parë i listës i referohet çmimit më të ulët dhe vendi i fundit çmimit më të lartë. Të dhënat e një studimi të fundit të “Cable.co.uk”, e specializuar në këtë fushë, tregojnë se në Shqipëri, çmimi mesatar i një gigabyte internet në celular fiksohet në 3.22 dollarë. Ky çmim e bën Shqipërinë vendin më të lirë në rajon. Çmimi më i lirë për një gigabyte fiksohet në 0.68 dollarë dhe çmimi më i shtrenjtë në 13.18 dollarë. Të dhënat tregojnë se Shqipëria është vendi i 14-të në Europë sa i përket çmimit më të lirë të 1 gigabyte internet në celular. Vendi më i lirë në botë është India me 0.26 dollarë mesatarisht për një gb internet, ndërkohë që në vend të fundit renditet Zimbabve me 75.20 dollarë për një gigabyte të dhëna.