Shqipëria dhe Maqedonia e Veriut, më shumë mundësi për pushime këtë verë!

Udhëtarët e vendeve të Ballkanit, veçanërisht Shqipëria dhe Maqedonia e Veriut do të kenë më shumë mundësi për pushime këtë verë. Shumica e shteteve evropiane kanë lehtësuar kufizimet e tyre për të dy vendet pasi vlerësuan se situata me koronavirusin është përmirësuar.

Franca, Finlanda, Gjermania, Austria, Danimarka, Greqia dhe Serbia kanë hequr deri më tani kufizimet për shqiptarët. Këshilli i Bashkimit Evropian renditi Shqipërinë dhe Maqedoninë e Veriut si vende të sigurta bazuar në situatën e tyre epidemiologjike COVID-19./radiotravel.al