Shqipëria, destinacion i preferuar i gjermanëve.  

Shqipëria ka mirëpritur gjatë vitit 2018, rreth 50 mijë turistë. Turistët gjermanë kështu janë një ndër dhjetë shtetasit që vizitojnë më tepër vendin tonë. Ministri  i Turizmit dhe Mjedisit, Blendi Klosi, përmes një postimi në Facebook ka bërë të ditur se me shtimin e linjës direkte të fluturimit së kompanisë ajrore Albawings me destinacion Tiranë-Dyseldorf-Tiranë 3 herë në javë gjatë këtij viti turistik, tregu gjerman do të jetë më afër Shqipërisë.Lehtësim komunikimi do të kenë edhe zonat përreth qytetit gjerman. “Shqipëria destinacion turistik europian i qëndrueshëm”, ka thënë ministri.