SHBA heq vizat për Kroacinë, “Keni punuar shumë për standardet”!

Shtetet e Bashkuara të Amerikës kanë vendosur heqjen e vizave për Kroacinë. Ky është vendi i fundit që i shtohet listës me 40 shtete, qytetarët e të cilëve mund të udhëtojnë drejt SHBA-së, për turizëm apo biznes, pa pasur nevojën e një vize.

“Vlerësoj përpjekjet e suksesshme të qeverisë dhe kroatëve që kanë punuar shumë për të përmbushur standardet rigoroze të kërkuara për të përfituar lehtësirat e programit të heqjes së vizave,” – u shpreh sekretari amerikan i Shtetit Antony Blinken.