Evropa e shqetësuar për azilkërkuesit nga Ballkani/ Diskutohet kthimi i vizave
Written by Radio Travel on 30/09/2021
Disa shtete kanë shprehur shqetësim për azilkërkuesit nga vendet e treta të Ballkanit Perëndimor duke thënë se paraqesin rrezik për Bashkimin Europian. Një nga vendet që është ankuar për azilkërkuesit nga Shqipëria është Franca. Sipas tyre liberalizimi i vizave veçanërisht ndaj Shqipërisë dhe Gjeorgjisë ka shkaktuar një rritje të madhe të migrimit ilegal dhe kërkesave të pabazuara për azil në Francë.
Edhe Gjermania ka shprehur shqetësim për rritjen e numrit të azilkërkuesve kryesisht nga Shqipëria dhe Serbia.
Sipas mekanizmave mbrojtës të BE, vizat mund t’ju hiqen atyre shteteve që paraqesin këto problematika dhe nuk marrin asnjë hap për zgjidhjen e tyre./radiotravel.al