Porti i Vlorës, do të mirëpresë anjie turistike
Written by rt on 03/05/2019
Porti i Vlorës do të orientohet drejt përpunimit të trageteve dhe anijeve turistike. Në dokumentet e vetë Portit Detar “Vlorë” ku kërkohet një kompani që do të hartojë projektin për rikonstruksionin e kalatës lindore bëhen të ditura edhe detajet. Aktualisht porti i Vlorës e zhvillon aktivitetin e vet përpunues në dy kalata, kalata lindore ku përpunohen anijet tregtare dhe kalata perëndimore ku përpunohen tragetet. Pozicionimi i portit të Vlorës pranë shëtitores kryesore të qytetit, Lungomare, si dhe kalimi i një pjese të aktivitetit tregtar tek Petrolifera, e kthejnë portin e Vlorës në port turistik. Rrjedhimisht kalata lindore do të destinohet për anije turistike” thuhet në dokumentet e Autoritetit Portual të Vlorës.