Europa përballë Kinës, për makinat elektrike
Written by rt on 03/05/2019
Franca dhe Gjermania vendosën sot të përshpejtojnë projektet e tyre për prodhimin e baterive për automjetet elektrike. Brukseli ka dhënë miratimin e tij në parim, duke e gjykuar urgjente të zvogëlohet vonesa e Europës përballë Kinës. “Gjithsej, pesë deri në gjashtë miliardë euro do të investohen në këtë iniciativë”, njoftoi ministri francez i Ekonomisë Bruno Le Maire gjatë një konference për shtyp. Kjo shumë do të përbëhet nga 1,2 miliardë euro në maksimum nga subvencione publike dhe rreth katër miliardë euro para private.