Pasaporta jeshile nxit debatet, Serbia shprehet kundër!

Njoftimi për të zbatuar certifikatat dixhitale të gjelbërta ka shkaktuar polemikë midis disa vendeve, përfshirë Serbinë. Kjo e fundit ka ngritur shqetësimet e saj për shkak të mundësisë që certifikata të përfshijë vetëm vaksina të miratuara nga Agjencia Evropiane e Barnave, e cila nuk mbulon vaksinën ruse Sputnik V ose ndonjë vaksinë tjetër nga prodhuesit kinezë.   

Ndërkohë Franca dhe Gjermania janë ndër vendet që nuk besojnë se pasaporta e vaksinimit do të sillte lehtësi të reja për udhëtarët e vaksinuar. Sidoqoftë, Bashkimi Evropian ka theksuar se qëllimi kryesor i propozimit është të lehtësojë dhe jo të ndalojë lëvizjen brenda vendeve të Bashkimit Evropian./radiotravel.al