Nëse keni një llogari bankare në Zvicër, informacionet tuaja nuk do të jenë më private! Shqipëria nënshkruan marrëveshjen për shkëmbimin e të dhënave!

Autoritetet shqiptare që prej vitit 2021 do të mund të marrin informacione bankare për qytetarët shqiptarë në Zvicër dhe e anasjellta, pra Zvicra do të jetë në gjendje që të marrë informacione bankare për qytetarët e saj që kanë llogari  në një ose disa banka që operojnë në vendin tonë. Senati zviceran ka aprovuar këtë javë listën me 18 shtete për shkëmbimin automatik të të dhënave bankare dhe pjesë e kësaj liste është edhe vendi ynë, i vetmi shtet europian. Marrëveshja pritet t’i vijë në ndihmë drejtësisë shqiptare , duke filluar që prej vitit 2021.