Belgjika lëshon certifikatën e udhëtimit “EU COVID-19”!

Belgjika ka nisur certifikatën dixhitale COVID në mënyrë që të thjeshtojë procesin e udhëtimit për të gjithë ata që janë vaksinuar ose shëruar plotësisht nga virusi. Vendimi lejon qytetarët të aplikojnë për këtë dokument në mënyrë që të vizitojnë shtetet anëtare të BE-së, veçanërisht përpara sezonit të verës.

Edhe pse në fillim të këtij muaji, qeveria e Belgjikës njoftoi se pasaportat COVID-19 do të nisin në 1 korrik, vendi ka ndjekur shembullin e disa shteteve të tjera evropiane duke lëshuar certifikatat gati një muaj përpara afatit./radiotravel.al