Ambasada gjermane në Tiranë nga 1 nëntori me rregulla të reja. Thirrje për të gjthë ata që aplikojnë për vizë
Written by Radio Travel on 12/10/2021
Aplikimet jo të plota për viza do të refuzohen, pasi sipas Ambasadës Gjermane në Tiranë, ato po ngadalësojnë kohën e përpunimit të tyre. Sipas autoriteteve, 80% e aplikacioneve të paraqitura nuk janë të plotësuara plotësisht, që do të thotë se skedarëve u mungon kontrata e punës, dëshmia e aftësisë gjuhësore si dhe të tjera të dhëna. Ndaj autoritetet kanë lajmëruar se duke nisur nga 1 nëntori, do të pranohen vetëm dosjet e plota të aplikimit më të gjitha dokumentet e nevojshme.
Anuloni takimin tuaj në kohë nëse e dini që nuk i keni të gjitha dokumentet në kohën e dorëzimit, thuhet në njoftimin e publikuar. Sipas Ambasadës, duke refuzuar aplikimet jo të plota për viza, koha e pritjes për një takim për vizë do të shkurtohet dhe caktimi i takimeve për viza mund të bëhet më i shpeshtë./radiotravel.al