Facebook pranon marreveshjen me Kinen per te dhenat personale!

Facebook-u ka pranuar se ka patur marreveshje per ndarjen e te dhenave me kater kompani kineze qe operojne ne fushen e teknologjise, mes tyre edhe nje kompani e konsideruar si kercenim per sigurine kombetare nga komuniteti amerikan i zbulimit. Kjo ka ngritur shqetesime te reja rreth menyres se si i ka trajtuar te dhenat personale te konsumatoreve gjiganti i medias sociale. Facebook-u e pranoi dje kete fakt, vetem dy dite pasi gazeta “The New York Times” zbuloi se media sociale kishte bere marreveshje te posaçme per shkembimin e te dhenave me 60 prodhues pajisjesh elektronike, perfshire Huawei-n, Lenovo-n, OPPO-n dhe TCL-ne, per ta bere me te lehte per perdoruesit e Facebook-ut per te pasur qasje ne llogarite e tyre nga nje game e gjere aparatesh elektronike. Per vite me radhe zyrtaret amerikane kane ngritur shqetesime per kompanine kineze Huawei, duke pasur frike se qeveria kineze mund te kerkoje qasje ne te dhenat e ruajtura ne pajisjet apo serverat e tyre. Shqetesimet bene qe ushtria amerikane te ndalonte shitjen e aparateve celulare inteligjente Huawei ne bazat e saj.