Venecia sërish në telashe,dëmet parashikohen në shifra marramendëse!

Sheshi “San Marko” në Venecia është përmbytur sërish ditën e djeshme duke u mbyllur për publikun, pasi qyteti është goditur nga një valë prej 150 centimetrash e lartë, niveli i tretë më i lartë i rregjistruar ndonjëherë.Krybashkiaku i Venecias ka deklaruar se dëmi i përmbytjes vlerësohet rreth 1 miliard euro. Sheshi kryesor është mbyllur vetëm një ditë pasi banorët dhe turistët u lejuan të hynin brenda tij. Venecia është veçanërisht e ndjeshme ndaj niveleve të ngritura të detit për shkak të ndryshimeve klimatike.