“Work and Study”, 3000 vende të lira pune në panair!

Edicioni i dhjetë i panairit “Work and Study”, ka shpallur mbi 3000 vende të lira pune për punëkërkuesit. Panairi është celur në mjediset e Muzeut Kombëtar, i organizuar nga Bashkia e Tiranës, Dhoma e Tregtisë dhe Industrisë Tiranë, dhe Ministria e Arsimit dhe Sporteve. Në të marrin pjesë 65 institucione , kompani dhe universitete të ndryshme. Bashkia ofron mundësinë për 90 aplikantë , për t’u bërë pjesë e administratës së saj. Kryetari i Bashkisë ,Erjon Veliaj, ftoi të gjithë të rinjtë të bëhën pjesë e panairit i cili do të jetë i hapur deri më datë 2 maj.