Viti i Ri nuk ka përfunduar, ja cili është vendi që feston në 25 janar!

Këtë vit, festa e vitit të ri Kinez bie në 25 janar sipas kalendarit bujqësor. Ndërkohë që fluksi i udhëtarëve gjatë festës nis nga 10 janari dhe përfundon me 18 shkurt.  Parashikohet që gjatë periudhës 40 ditore , banorët kinezë do të bëjnë 3 miliardë udhëtime në total. Si lëvizja më e madhe periodike në botë, fluksi i udhëtarëve jo vetëm pasqyron etjen e kinezëve për tu ribashkuar me familjen në fund të vitit, por gjithashtu është një sfidë për aftësinë e sektorëve të transportit. Në të gjitha autostradat janë hequr pikat tarifore dhe drejtuesit e automjeteve mund të kalojnë drejtpërdrejt me bërjen e pagesës elektronike automatike. Në shumë linja hekurudhore, shiten biletat elektronike, me anën e të cilave, udhëtarët mund të futen në tren vetëm me një kartë identideti ose duke skanuar kodin QR (Quick Response Code) në celular.Bëhet e ditur se, qeveritë vendore të Kinës do të inkurajojnë pjesëmarrjen e më shumë ndërmarrjeve në ofrimin e shërbimeve të transportit inteligjent, duke realizuar menaxhim të përsosur në bazë të vëzhgimit bashkëkohor të lëvizjeve të udhëtarëve, të qarkullimit rrugor dhe fluksit në pikat turistike.