Udhëto falas, leximi të hap rrugët!

Sot në transportin urban në Tiranë bileta e autobusëve do të jetë libri që po lexoni. Ministria e Kulturës dhe Bashkia e Tiranës, në ditën Ndërkombëtare të Librit, më 23 prill, ndërmerr nismën “Udhëtoj përmes librit”, duke sjellë në vëmendje të qytetarëve, se për gjithkënd që ka një libër në dorë nuk do të jetë e nevojshme të paguajë biletë urbani. Lidhur me këtë nismë sensibilizuese në Ditën e Librit, ministrja e Kulturës Elva Margariti sjell në vëmendje të të gjithëve që të mos e lënë në shtëpi librin që po lexojnë.