Sllovakia forcon kontrollet me 4 shtete: “Monitorim 24 orë të udhëtarëve”!

Sllovakia do të forcojë kontrollet e saj kufitare me Austrinë, Hungarinë, Republikën Çeke dhe Poloninë për të frenuar përhapjen e mëtejshme të pandemisë dhe varianteve të saj të reja, ka njoftuar Ministria e Brendshme e vendit. “Trafiku i udhëtarëve do të kontrollohet 24 orë në ditë në të gjitha rrugët e mëdha dhe të frekuentuara në hyrje të Republikës Sllovake”, thuhet në deklaratë.

Qeveria e vendit njoftoi gjithashtu se periudha e karantinës mund të përfundojë në ditën e 8-të të izolimit nëse pasagjerët ofrojnë një rezultat negativ të testit./radiotravel.al