Shifra optimiste/ 43 mijë turistë vizituan Muzeun e Krujës deri në shtator!

Rreth 43 mijë vizitorë vendas e të huaj kanë vizituar Muzeun Historik dhe Etnografik të Krujës nga muajt janar-shtator të këtij viti. Pjesa më e madhe e turistëve janë nga Ukraina, Izraeli, Serbia, por edhe këtë vit, polakët përbëjnë numrin më të madh të vizitorëve të huaj, bën të ditur Drejtori i Muzeut Mehdi Hafizi.

Si një nga trashëgimitë kulturore dhe historike të këtij qyteti, Pazari i Vjetër Krujës pret vizitorë nga Shqipëria, rajoni dhe gjithë bota pothuajse në çdo stinë të vitit./radiotravel.al