Gjermania ndryshon rregullat e udhëtimit për qytetarët shqiptarë
Written by Radio Travel on 03/08/2021
Qeveria gjermane ka ndryshuar kushtet e hyrjes në vend për të gjithë udhëtarët nga Shqipëria. Ambasada gjermane në Tiranë përmes një statusi në Facebook iu bën thirrje të gjithë qytetarëve, që të njihen me kushtet e reja. Për hyrjen në vend, pavarësisht mjetit të udhëtimit, duhet të paraqitet një test negativ, një dëshmi e shërimit apo e vaksinimit.
Të vaksinuarit plotësisht apo të shëruarit të cilët paraqesin një vërtetim përkatës në gjuhën gjermane, angleze, franceze, italiane apo spanjolle, nuk është e nevojshme të paraqesin një test negativ gjatë udhetimit me avion nga Shqipëria drejt Gjermanisë. Prej datës 9 maj, Shqipëria nuk konsiderohet më nga Gjermania si një vend risku, për këtë arsye karantina dhe regjistrimi digjital i udhëtimit nuk është më një kusht./radiotravel.al