Emiratet dhe Izraeli normalizojnë marrëdhëniet: Rinisin më në fund fluturimet mes dy vendeve

Dy muaj pas normalizimit të marrëdhënieve mes Emirateve të Bashkuara Arabe dhe Izraelit, kompania ajrore me çmime të ulëta ”Flydubai” ka filluar fluturimet direkte drejt Tel-Avivit.  Kompania ka njoftuar në fillim të këtij muaji se do të operojë 14 fluturime në javë midis aeroportit ndërkombëtar të Dubait dhe aeroportit “Ben Gurion” në Tel Aviv. Emiratet e Bashkuara Arabe bëhen kështu vendi i tretë arab që normalizon marrëdhëniet me Izraelin, falë ndërhyrjes së SHBA-ve.