Durrësi rrethohet nga jahtet luksoze!

Qendra e Infromacionit të Autoritetit Portual të Durrësit , ka bërë të ditur se në portin e qytetit janë ankoruar 44 jahte ,vetëm në dhjetë ditët e para të qershorit. Me nisjen e sezonit turistik, numri i jahteve të ankoruara  në port është rritur ndjeshëm. Që nga fillimi i vitit në port kanë mbërritur gjithsej 89 jahte, dhe gjatë stinës së verës numri i tyre pritet të rritet. Qëndrimi i tyre në port zgjat disa orë deri në një javë.