Para “nën dorë” për t’u pranuar në universitet… edhe në SHBA
Written by rt on 15/05/2019
Në Shtetet e Bashkuara më shumë se 50 vetë janë akuzuar deri tani lidhur me skandalin e pranimit në universitete. Skandali zbuloi përpjekje të fshehta ku prindërit përpiqeshin t’u siguronin fëmijëve të tyre pranime në universitetet më të mira amerikane. Dalja në skenë e skandalit ka nxitur debate të gjera mbi pabarazinë në arsimin e lartë. Disa yje të Hollivudit janë mes dhjetëra njerëzve të akuzuar në një nga skandalet më të mëdha të vendit për pranimet në universitete. Të pandehurit akuzohen se kanë paguar trajnerët dhe administratorët e kolegjeve në shkëmbim të pranimit të fëmijëve të tyre në shkollat elitare si “Yale” dhe Universiteti i Kalifornisë Jugore. Për kryerjen e pagesave të dyshuara janë përdorur shoqata të rreme bamirësie.