Zbulohet një “perlë” blu vetëm një orë larg kryeqytetit

Turistët që zgjedhin të shkojnë në Kepin e Rodonit, vetëm një orë larg nga Tirana, janë ende të paktë. Xhevahiri i natyrës është një vend tejet interesant, mbi të gjitha për vendndodhjen e tij piktoreske. Aty ndërthuret më së miri historia dhe natyra. Në pjesën verilindore të Kepit ndodhet një ndër objektet më të rëndësishme të trashëgimisë kulturore, kalaja e Skënderbeut. Turistët e kanë cilësuar të gjithë panoramën e Kepit të Rodonit si një perlë ende të fshehur.