Transporti ajror në Shqipëri i afrohet dritës në fund të tunelit!

Autoriteti i Aviacionit Civil bën të ditur se gjithsej janë 101.354 pasagjerë që kanë udhëtuar gjatë këtij muaji për dhe nga Aeroporti Ndërkombëtar i Tiranës “Nënë Tereza”. Vaksinimi masiv bëri që numri i rasteve ditore të qytetarëve të testuar pozitiv me COVID-19 të shënojë rënie drastike dhe kjo u dha siguri turistëve të huaj të zgjedhin bregdetin shqiptar.

Niveli i rezervimeve ende nuk është në shifrat e 2019-s, por ka përmirësim të dukshëm me mbi 30% krahasuar me 2020-n, duke dhënë shpresë për rikuperim të shpejtë të sektorit./radiotravel.al