Skoda përzgjedh për herë të parë Shqipërinë!

Shqipëria përveçse destinacion i preferuar nga turistët e huaj, tashmë po kthehet në atraksion mjaft interesant dhe për turet automobilistike. Makinat për terrene të vështira e shohin vendin tonë ideal për të shijuar adrenalinën në shtigjet që ofron vendi ynë. Skoda Euro Trek 2019, në një nga turet më të rëndësishme të kompanisë Škoda për herë të parë ka zgjedhur Shqipërinë si destinacionin e saj. Automjetet për terrene të vështira të Skodës do të zhvillojnë tur për të eksploruar vendin tonë duke nisur nga Tirana. Gazetarë, fotoreporterë dhe artiste të huaj do të eksplorojnë bukuritë e Shqipërisë.