Porti më i madh në vend do të ndryshojë plotësisht!
Written by Radio Travel on 14/10/2019
Një delegacion francez nga instituti i studimeve të larta të Mbrojtes Kombëtare, kryesuar nga ambasadorja e Francës në vendin tonë ka mbërritur të dielën në portin e Durrësit. Gjatë takimit me përfaqësuesit e Autoritetit Portual të Durrësit, në sallën e konferencave është shfaqur një dokumentar i shkurtër për portin më të madh në vend. Specialistët e promocionit dhe ata të sigurisë portuale kanë prezantuar situatën aktuale të portit, kapacitetin , funksionet si dhe bashëpunimet me institucionet e tjera. Ata iu përgjigjën interesit të përfaqësuesve të institutit francez mbi destinacionet e mallrave si dhe projektet kryesore që po zbatohen në portin e Durrësit.