Pandemia kufizon numrin e amerikanëve që do të udhëtojnë për “Ditën e Falenderimeve”

Efektet e pandemisë së COVID-19, përfshirë shqetësimet shëndetësore dhe papunësinë e lartë, po ndikojnë në vendimet e amerikanëve për të udhëtuar për Festën e Falënderimeve. Zyrtarët shëndetësorë dhe qeveritarët theksojnë se qëndrimi në shtëpi është mënyra më e mirë për të mbrojtur veten dhe të tjerët. Deri më tani është parashikuar të paktën një rënie me 10% e udhëtimeve,  ulja më e madhe një-vjeçare që nga recesioni i madh i vitit 2008. Njoftimet nga  Qendrat për Kontrollin dhe Parandalimin e Sëmundjeve presin që numri aktual i udhëtarëve që kishin planifikuar të shkonin prane familjeve për “Festën e Falenderimeve, të anulohet në masë.