Jo më radhë të gjata në zyrat e shërbimeve

Zyrat e aplikimit të dokumenteve të identitetit do të jenë të hapura edhe të shtunën, me qëllim që qytetarët dhe emigrantët të kenë më tepër mundësi aplikimi si edhe të kursejnë kohën e vlefshme. Zyrat e shërbimit të qytetarëve në Policinë e Shtetit si dhe zyrat e Gjendjes Civile do të jenë gjithashtu të hapura të shtunave, duke krijuar kështu lehtësira për çdo shtetas që ka nevojë për rinovimin e dokumenteve të identitetit.Ministria e Brendshme u ka bërë thirrje qytetarëve të aplikojnë për pasaporta dhe ID, pasi që nga muaji tetor do të kushtëzohet shërbimi pa u pajisur me kuponin e aplikimit.