Është zyrtare, ky është qyteti më i zgjuar në botë!
Written by Radio Travel on 15/11/2019
Singapori është shpallur zyrtarisht qyteti më i zgjuar në botë. Kjo sipas një studimi të ri të botuar nga shkolla zvicerane e biznesit IMD në bashkëpunim me universitetin e Teknologjisë dhe Dizajnit në Singapor. Duke parë aspekte të tilla si siguria publike, lëvizshmëria,qeverisja dhe shëndeti indeksi ka matur performancën e qyteteve në ruajtjen e hapësirave të gjelbërta dhe përmirësimin e institucioneve, duke ruajtur mirëqenien e qytetarëve. Koncepti “qytet i zgjuar” është krijuar me ardhjen e internetit. Qytetet e zgjuara janë të përkushtuara për të përmirësuar sigurimin dhe zhvillimin e shërbimeve urbane përmes përdorimit të teknologjisë digjitale.