Byrek dhe mikpritje shqiptare në Manhatan!

New Yorku, një prej vendeve më të mëdha në botë, i njohur për gamën e larmishme të restoranteve, mes tyre ka edhe “Dua Kafe”, një restorant shqiptar, me gatime tradicionale që nga byreku deri te tava e kosit. Pronarët shqiptarë të lokalit kanë treguar për televizioni amerikan CBS, se e gjithë menuja është mesdhetare, me vajin ekstra të virgjër të ullirit, hudhrat apo erëzat tradicionale. Në “Dua Kafe”, luhet muzikë shqiptare dhe në muret e restorantit janë të rreshtuara artistët dhe figurat më të famshme shqiptare. Atmosfera është e këndshme, mikpritëse dhe ky është synimi kryesor.