Gjigandi botëror i auditit, reklamë Shqipërisë

Kompania botërore e auditit dhe kosnulencës fiskale”Deloitte” në revistën e muajit qershor i ka dedikuar një shkrim të veçantë profilit të Shqipërisë, duke u bërë thirrje investitorëve të marrin në konsideratë sektorin e hidrokarbureve.  Në shkrim, agjensia prestigjoze ka sqaruar pse Shqipëria është një shans i mirë për investitorët, duke përmendur historinë e gjatë të prodhimit të naftës dhe të gazit. “Shqipëria ka blllokun më të madh naftëmbajtës tokësor në Europë”, ka thënë “Deloitte”. Në shkrim është përmendur edhe gazjellësi “Tap”, i cili sipas agjensisë, pritet të luajë rol madhor në zhvillimin energjitik të vendit tonë duke  e bërë një qendër gazi në Ballkanin Perendimor.