Shqipëria më e shtrenjtë, shqiptarët më të varfër!

Shqipëria dhe Mali i Zi kanë kostot më të larta të jetesës në rajon. Shqipëria renditet në vendin  e 9-të nga 40 shtetet e Europës për vitin 2019. Vendi ynë për këtë vit është bërë më e shtrenjtë se Serbia dhe Bosnjë Hercegovina .Është interesant fakti se në Shqipëri ndërkohë që kostot e jetesës janë rritur, indeksi i fuqisë blerëse vendase, i cili mat aftësinë e shqiptarëve për të përballuar jetesën, ka rënë. Nga ana tjetër, shteti më i lirë i Europës është renditur Kosova.