Rritja e cmimit te karburantit I shkakton kompanise ajrore 336 milione euro humbje!

 Linja më e madhe ajrore në Gjermani, Lufthansa, raportoi një humbje prej 336 milionë euro për tremujorin e parë të vitit, prej kostove të mëdha të karburantit dhe kapacitetit të tepërt në Europë. Kompania deklaroi se rritja kostove të karburantit ka qenë faktori kryesor i humbjes. Ndërkohë, çmimet e biletave kanë rënë ndjeshëm te linjat e tjera të Lufthansa, që përfshijnë SWISS dhe Austrian Airlines si dhe linjën me buxhet Eurowings. Linjat ajrore në Europë po pësojnë goditje nga mbi kapaciteti dhe rritja e kostos së karburantit, ndërsa pasiguria mbi Brexit ka sjellë anulimin e shumë fluturimeve për pushimet e Verës.