Kushtrim Shala, Konsulenti i Inovacionit & Teknologjisë që e ka Gjakovën në zemër dhe mendje

I ftuar mëngjesin e sotëm në emisionin “Boeing 104.6” në Premium Channel dhe Radio Travel ishte Kushtrim Shala, konsulent i inovacionit  dhe sipërmarrjeve të reja Startup. Ai njihet si ndërtues i ekosistemit të inovacionit në Shqipëri dhe Kosovë, ku ka një profil të ndërtuar për shkencat kompjuterike dhe menaxhimin e biznesit. Kushtrimi është gjithashtu themelues i disa nismave për identifikimin e talenteve të spikatur në inovacion dhe të gjenive të informatikës përmes platformës  ICT Awards. Ai është gjithashtu dhe themelues i shumë nismave rinore, të sipërmarrjeve sociale dhe dixhitale me ndikim Kombëtar dhe promovues i tyre në skenën e ekosistemeve Ndërkombëtare të inovacionit.