Ja cila është pasqyra e re e pensioneve
Written by Radio Travel on 17/09/2019
Juristë,mjekë e pilotë janë mbledhur të hënën në Paris për të protestuar kundër planit të qeverisë franceze për reformat në pensione. Qeveria e Macron ka nisur reformat ambicioze, bashkimin e 42 sistemeve të ndryshme të pensioneve në Francë, në një sistem të vetëm. Sipas presidentit, kjo mënyrë do të jetë më e drejtë, por thuhet se disa profesione do të humbasin. Në fund të javës së kaluar, punëtorët e transportit publik në Paris kanë qenë gjithashtu në grevë për shkak të reformave në pensione. Sipas reformës, ata që do të dalin në pension para moshës 64 vjeç, do të marrin po ashtu pension më të ulët. Reforma pritet të votohet në parlament, në fillim të vitit të ardhshëm.