Zgjatet bllokimi në Austri, ndryshojnë rregullat e sigurisë për qytetarët

Është zgjatur deri më 7 shkurt bllokimi në Austri. Sipas ekspertëve shëndetësorë kjo është në kuadrin e përpjekjeve për të ulur numrin e infektimeve me Covid-19. Me rregullat e reja, qytetarëve austriakë u kërkohet që të qëndrojnë jo 1, por dy metër larg njëri tjetrit. Ata gjithashtu do të duhet të mbajnë maskë në transportet publike dhe brenda dyqaneve. Kancelari Sebastian Kurz theksoi se e shikon të pamundur hapjen e hoteleve dhe restoranteve përgjatë muajit shkurt.