Sondazhi i Euronews: Të gjithë janë pro pasaportave të vaksinave!
Written by Radio Travel on 12/03/2021
Euronews, kanali kryesor ndërkombëtar i lajmeve në Evropë ka publikuar rezultatet nga një sondazh ekskluziv i cili lidhet me qëndrimet e Evropianëve ndaj pasaportave të udhëtimit dhe vaksinave. Një pjesë e madhe e të anketuarve mbështesin fuqimisht futjen e të ashtuquajturve pasaporta vaksine. Konkretisht 53% në Gjermani, 65% në Itali dhe 69% në Britaninë e Madhe janë pro. Franca vjen në fund me një përqindje më të vogël rreth 39%. Ata që e kundërshtojnë fuqimisht masën janë në pakicë.
Rreth një e pesta e të anketuarve as nuk e mbështesin dhe as nuk e kundërshtojnë iniciativën. Përsa i përket britanikëve ata mendojnë se duhet të udhëtojnë vetëm pasagjerët që kanë marrë të dyja dozat e vaksinës./radiotravel.al