Rama: Vlorën do ta bëjmë destinacionin turistik më tërheqës të Mesdheut

“Vlorën do ta bëjmë një ndër destinacionet turistike më tërheqëse të Mesdheut, mu ashtu siç ajo e meriton për bukurinë magjepsëse që i ka falur Zoti”, shprehet kryeministri i vendit Edi Rama krahas një postimi në Facebook.  Më herët ai bëri të ditur se së shpejti do të nisë ndërtimi i Portit të ri Turistik në vend të portit të vjetër dhe paralelisht me portin turistik, do të ndërtohet edhe porti i ri i mallrave tek Triporti, së bashku me portin e ri të Peshkatarëve. Këto investime pritet të ndryshojnë jo vetëm pamjen e qytetit bregdetar, por edhe fuqinë ekonomike të Vlorës.