Qielli “ndihmon” Australinë, por duket se situata kaotike do të vazhdojë për një kohë të gjatë!

Në kohën kur Australia po përballet me zjarret apokaliptike, duket se ndihma ka ardhur nga qielli. Në zonat më të prekura kanë nisur reshjet e shiut të cilat kanë ndikuar në uljen e temperaturave .Por zyrtarët kanë njoftuar se moti i nxehtë do të rikthehet sërish. Duket se shiu e ka stabilizuar disi situatën, ndërsa pritet që e enjta të sjellë sërish rritje të temperaturave. Galeria Kombëtare e Australisë në kryeqytet është mbyllur për të shmangur rreziqet për publikun, stafin dhe artin e prezantuar. Kanberra është aktualisht një ndër qytetet më të ndotura në botë.