Pasaporta e vaksinës “përçan” BE-në, kush është pro dhe kundër?

Vende të ndryshme brenda Bashkimit Evropian ndajnë ide të ndryshme përsa i takon pasaportave të vaksinave. I konsideruar si një çelës për rifillimin e normalitetit dhe industrisë së turizmit në veçanti, Greqia, Italia dhe Spanja janë pro një ideje të tillë. Nga ana tjetër Franca dhe Gjermania janë shprehur skeptike ndaj pasaportave të vaksinave, pasi sipas tyre kjo do të penalizonte vendet më të varfra. Aktualisht vetëm Suedia dhe Danimarka kanë shpallur certifikatat elektronike në bazë të të cilave qytetarët mund të udhëtojnë lirshëm.