Pas përpjekjeve disa vjeçare, dy shtetet ballkanike krijojnë linjën që do të ndryshojë turizmin!

Pas shumë vitesh përpjekje, ka mbërritur tashmë në Pogradec një anije turistike që do të kryejë linjën Pogradec-Ohër e Strugë, por edhe shëtitje turistikë në liqenin e Ohrit, duke i dhënë një tjetër zhvillim e perspektivë qytetit liqenor.”Anija turistike e cila ka kapacitet prej 150 vendesh do të shërbejë për turistë vendas e të huaj në të gjitha sezonet për të bërë të mundur zhvilllimin e tureve turistike përgjatë vijës liqenore brenda dhe jashtë vendit , duke nënkuptuar lundrimin drejt Ohrit dhe Strugës. Anija “Tina turist” krahas lundrimit do të ofrojë dhe shërbimet e barit dhe restorantit gjatë shëtitjes në liqenin e Ohrit duke mos mbetur vetëm në kuadrin e transportit ujor.