New York, mbahet parada e javës së Flotës 2019!

Në brigjet e Nju Jorkut po mbahet parada e javës së Flotës 2019, me disa anije që lundrojnë në ujëra, mes të cilave “USS New York” dhe “Firefighter II” nga Departamenti i Zjarrfikësve të qytetit. Janë rreth 2.600 pjesëtarë të trupave të Marinës dhe Rojës Bregdetare, që  marrin pjesë në paradën e anijeve përgjatë gjirit të Nju Jorkut. Gjatë të gjithë javës organizohen ture e vizita në anije, ndërkohë që do të ketë edhe koncerte të bandës së Marinës dhe të tjera aktivitete. Roja Bregdetare, ndërkohë, do të mbajë demonstrime të kërkim-shpëtimeve, që mund të ndiqen nga sytë kureshtarë të njujorkezëve dhe shuem turisteve.