Me rregullin e fundit, mosmbajtja e një maske mund t’ju kushtojë 7.000 dollarë!

Linjat ajrore kanë pasur qasje të ndryshme përsa i takon pasagjerëve që nuk mbajnë maskat në avion. Në Afrikën e Jugut, transportuesi i njohur FlySafair ka ndërmarrë një masë ekstreme në kuadër të parandalimit të përhapjes së Covid-19. Me rregullin e ri, mosmbajtja e maskës do tu kushtojë udhëtarëve afërsisht 7000 dollarë.

Nëse një udhëtar në bordin e fluturimit të FlySafair refuzon të veshë maskën, linja ajrore do të thërrasë policinë. Për më tepër individi në shkelje të rregullave, do të vendoset në listën e kuqe të  fluturimeve dhe do të ndalohet të udhëtojë me “FlySafair”   për gjithë jetën./radiotravel.al