Mbretëria e Bashkuar, lehtëson kufizimet e udhëtimit për vendet që janë jashtë zonës së kuqe
Written by Radio Travel on 13/10/2021
Aeroporti i Heathrow ka mirëpritur vendimin e qeverisë së Mbretërisë së Bashkuar për të lehtësuar kufizimet e udhëtimit ndaj të gjitha atyre vendeve që janë hequr nga lista e kuqe. Madje vendimi për lehtësimin e kërkesave të udhëtimit, vlerësojnë dhe heqjen e testimit PCR për udhëtarët e vaksinuar dhe hapjen e kufijve për qytetarët që vijnë nga SHBA. Pas humbjeve që ka regjistruar pandemia në sektorin e udhëtimeve ajrore në Mbretërinë e Bashkuar, qeveria synon një rimëkëmbje të ndjeshme të këtij sektori përgjatë këtij viti.
Në përputhje me rregullat e reja, udhëtarët që kthehen në Mbretërinë e Bashkuar nga një prej vendeve që janë hequr nga lista e kuqe nuk do të duhet të ndjekin më rregullat e izolimit./radiotravel.al