Marrëveshja e dekadës kalon fazën e parë, tregjet prekin nivelet më të larta!

Shtetet e Bashkuara të Amerikës dhe Kina janë pranë arritjes së fazës së parë të marrëveshjes tregtare, ka deklaruar presidenti amerikan Donald Trump. Ky i fundit ka thënë se kjo marrëveshje do ti japë fund krizës tregtare 16-mujore  me Pekinin. Komentet pozitive të presidentit kanë sjellë një rritje të tregjeve, ndërkohë që tre indekset kryesore në Wall Street, kanë prekur nivele të larta. Deklarata e Trump, ka ardhur pas telefonatës me përfaqësuesit e tregtisë së Kinës, gjatë së cilës është folur për arritjen e fazës së parë të marrëveshjes.