Lituania rrit kufizimet COVID-19 për vendet me rrezik të lartë

Qeveria e Lituanisë ka shtuar Suedinë, Hungarinë dhe Jordaninë në listën e vendeve që i nënshtrohen masave të zgjeruara të kontrollit COVID-19 . Lajmin e ka bërë të ditur Ministria e Shëndetësisë së Lituanisë përmes një deklarate. Sipas ministrisë, vendimi do të hyjë në fuqi nga 15 marsi dhe do të zbatohet vetëm për vendet që kanë një normë të lartë të infeksioneve për shkak të përhapjes së shpejtë të variantit britanik në shumë vende të Bashkimit Evropian , përfshirë Lituaninë.

Qytetarët e Danimarkës, Irlandës, Hollandës, Mbretërisë së Bashkuar dhe Monakos duhet të vazhdojnë të ndjekin kërkesat e karantinës kur hyjnë në territorin e Lituanisë./radiotravel.al