Ky është qyteti që anulloi meshën e Krishtlindjes pas 216 vitesh!

Pas zjarrit të 15 prillit që shkatërroi një pjesë të mirë të katedrales së Notre Dame në Paris, autoritetet vendase kanë bërë të ditur se këtë vit nuk do të mbahet mesha e Krishtlindjes në këtë kishë. Kjo është hera e parë që ndodh një gjë e tillë që prej vitit 1803. Që prej asaj kohë, katedralja e Notre Dame , çdo Krishtlindje zhurmon nga këmbanat festive fetare. Këtë vit , për herë të parë kisha 8 shekullore do të jetë e heshtur. Asnjë shërbim fetar nuk do të mbahet në muret e saj. Parizienët dhe turistët duhet të drejtohen te kishat e tjera për meshën e vigjiljes së Krishtlindjes.